AYDAN AĞAYEVA
TƏLİMÇİ/ FASİLİTATOR/ MENTOR
QISA BİOQRAFİK MƏLUMAT
Gənclərlə iş, yumşaq bacarıqlar, qeyri-formal təhsil və peşəkar inkişaf sahəsində ixtisaslaşmış təlimçidir. O, layihə idarəçiliyi və peşəkar inkişaf mövzularında 7 ildən artıq təlimçi təcrübəsinə malikdir və bu müddət ərzində gənclər üçün müxtəlif təlim və mentorluq proqramları həyata keçirmişdir. Hazırda ADA Universitetində Karyera Məsləhətçisi kimi fəaliyyət göstərən Aydan Ağayeva tələbələrin karyera planlaması, əmək bazarına hazırlıq və həyat bacarıqlarının inkişafı istiqamətində fərdi və qrup əsaslı təlim və məsləhət xidmətləri göstərir. Eyni zamanda o, 2024–2025-ci illər üzrə Azərbaycanda EU4Youth Alumni Network-un Azərbaycan üzrə nümayəndəsi seçilmişdir. Magistr təhsilini "Gənclərlə iş" sahəsində almış, Art Terapiya üzrə peşəkar sertifikasiya proqramını tamamlamışdır. O, Azərbaycan Respublikasının Gənclər və İdman Nazirliyi və Avropa Şurasının Gənclər Departamenti tərəfindən təşkil olunan, əvvəlcə Azərbaycanda, daha sonra Strasburq (Fransa) şəhərində keçirilmiş “Training for Trainers Working with Youth in Azerbaijan (TRAYAZE)” uzunmüddətli təlim proqramının məzunudur. O, AEGEE Bakı çərçivəsində gənclərlə iş və beynəlxalq gənclər əməkdaşlığı sahəsində fəal fəaliyyət göstərmiş, yerli və beynəlxalq layihələrin icrasında iştirak etmişdir. Eyni zamanda UNICEF-in “Basic Life Skills” proqramı üzrə sertifikatlı təlimçi olaraq gənclərin həyat bacarıqlarının, özünəinam və sosial səriştələrinin inkişafına yönəlmiş təlimlər həyata keçirir. Onun təlimçilik fəaliyyəti milli və beynəlxalq gənclər siyasətinin prinsiplərinə əsaslanır, qeyri-formal təhsil metodları, iştirakçılıq, inklüzivlik, bərabər imkanların təşviqi, liderlik və yumşaq bacarıqların inkişafı əsas yanaşmalarıdır. Aydan Ağayeva gənclərin potensialının üzə çıxarılması və onların cəmiyyətin inkişafında fəal iştirakının təmin olunmasını əsas məqsəd kimi müəyyənləşdirir.ŞƏHADƏTNAMƏLƏR
Təlimçinin sahəsinə uyğun sertifikasiya sənədləri
TƏLİM MÖVZULARI
Təlimçinin tədris edə biləcəyi mövzular- Karyera İnkişafı: CV və motivasiya məktubunun hazırlanması; Müsahibəyə hazırlıq və simulyasiya sessiyaları; Karyera planlaması və məqsədlərin müəyyənləşdirilməsi; Şəbəkələşmə (networking) və şəxsi brendin formalaşdırılması; İş axtarış strategiyaları və məşğulluğa hazırlıq.
- Əsas Həyat Bacarıqları (Yumşaq bacarıqlar): Qərarvermə və problem həll etmə bacarıqları; Tənqidi və yaradıcı düşünmə; Zamanın idarə olunması və məhsuldarlıq; Emosional intellekt və özünüdərk; Effektiv ünsiyyət və konfliktlərin idarə olunması.
- Şəxsi İnkişaf və Özünü Kəşf: Özünüqiymətləndirmə alətləri (Holland Testi, SWOT analizi və s.); Özünəinam və özünə dəyər hissinin inkişafı; Düşüncə tərzinin (mindset) transformasiyası; İş–həyat balansının qorunması; Stressin idarə olunması və psixoloji dayanıqlılıq.
- Terapevtik və İncəsənətə əsaslanan təlimlər: Emosional ifadə və sağalma üçün art terapiya sessiyaları; Özünürefleksiya və şəxsi inkişaf üçün yaradıcı məşğələlər; Komanda quruculuğu üçün qrup art fəaliyyətləri.
- Rəqəmsal və Peşəkar Bacarıqlar: Təqdimat bacarıqları və ictimai çıxış; Fasilitasiya və Təlimçilərin Təlimi (ToT); Uzaqdan əməkdaşlıq alətləri və metodları; Rəqəmsal mühitdə effektiv ünsiyyət.
- Layihə idarəçiliyi: Layihə dövrünün idarə olunması (Project Cycle Management – PCM); Layihə təkliflərinin yazılması və inkişaf etdirilməsi; Maraqlı tərəflərin və risklərin təhlili; Komanda koordinasiyası və tapşırıqların bölüşdürülməsi; Monitorinq, qiymətləndirmə və hesabatlılıq; Büdcələmə və resursların planlaşdırılması.
- Gənclərin maarifləndirilməsi və iştirakçılığının artırılması: Gənclərin hüquqları və fəal vətəndaşlıq; Liderlik bacarıqları və təşəbbüskarlığın inkişafı; Qeyri-formal təhsil metodları; Könüllülük və sosial iştirak.
KİTABLAR VƏ ELMİ ƏSƏRLƏR
Təlimçinin qeyri-formal təhsil sahəsində kitabları və elmi əsərləri
