QISA BİOQRAFİK MƏLUMAT
Biologiya üzrə ali təhsilə malik olan və hazırda İsveçdə Karolinska İnstitutunda Səhiyyə İqtisadiyyatı, Siyasəti və İdarəetməsi üzrə magistr təhsili alan mütəxəssis qeyri-formal təhsil, həyat elmləri və ictimai səhiyyə sahələrində geniş beynəlxalq təcrübəyə malikdir. Təxminən 10 il ərzində qeyri-formal təhsil çərçivəsində Azərbaycan, ABŞ, Macarıstan, Estoniya və İsveçdə təqdimatlar, təlimlər və seminarlar həyata keçirmiş, müxtəlif mədəni və peşəkar mühitlərdə iştirakçılarla çalışmışdır. Təlim fəaliyyəti elmi düşüncənin inkişafı, sağlamlıq mövzularının sadə və anlaşılan formada ötürülməsi, eləcə də dil bacarıqlarının gücləndirilməsinə yönəlib. Eyni zamanda, farmasevtika sənayesində 3 ilə yaxın peşəkar təcrübəyə malikdir. Klinik tədqiqatlar, tənzimləyici sənədlərlə iş və keyfiyyətə nəzarət sahələrində beynəlxalq layihələrdə iştirak edərək GCP standartları və klinik proseslər üzrə praktiki biliklər qazanmışdır. Hazırda İsveçdə tələbə təşkilatı Synapse-də tədbir meneceri kimi könüllü fəaliyyət göstərir, paralel olaraq beynəlxalq mühitdə frilans dil təlimləri həyata keçirir. Çoxdilli ünsiyyət bacarığı, analitik yanaşması və komandalarla effektiv işləmə təcrübəsi ilə seçilir. Fokus sahələri: qeyri-formal təhsil, təbiət və həyat elmləri, ictimai səhiyyə, elmi maarifləndirmə, dil təlimləri.
