QISA BİOQRAFİK MƏLUMAT
Gənclərlə iş və sosial xidmət sahəsində ixtisaslaşmış mentor və karyera quruculuğu üzrə mütəxəssis olaraq fəaliyyəti əsasən gənclərin şəxsi, akademik və peşəkar inkişafının dəstəklənməsinə yönəlib. Sosial iş üzrə bakalavr, gənclərlə iş üzrə magistr təhsili almış, hazırda isə sosiologiya üzrə doktorantura təhsilini davam etdirir. Elmi və praktiki yanaşmanı birləşdirən fəaliyyət modeli çərçivəsində gənclərin potensialının üzə çıxarılması, özünüifadə və dayanıqlı karyera bacarıqlarının formalaşdırılması istiqamətində mentorluq fəaliyyətini həyata keçirir. Dövlət qurumlarının dəstəklədiyi layihələr çərçivəsində mentor kimi fəaliyyət göstərərək ölkənin 10-dan çox regionunda 500-dən artıq gənclə fərdi və qrup əsaslı inkişaf proseslərində çalışmışdır. Mentorluq prosesində qeyri-formal təhsil yanaşmalarından – strukturlaşdırılmış müzakirələr, praktiki tapşırıqlar, refleksiya və istiqamətləndirici suallar əsasında aparılan yanaşmalardan – sistemli şəkildə istifadə edir. Bu metodlar gənclərin tənqidi düşüncə, özünüqiymətləndirmə və qərarvermə bacarıqlarının inkişafına xidmət edir. Universitet karyera mərkəzində mütəxəssis kimi fəaliyyəti dövründə tələbələr üçün fərdi karyera məsləhətləri və mentorluq əsaslı inkişaf proqramları həyata keçirmişdir. Bu çərçivədə motivasiya və məqsədlərin müəyyənləşdirilməsi, şəxsi inkişafın planlaşdırılması, effektiv kommunikasiya, komanda işi, karyera planlaşdırılması, CV hazırlanması və müsahibəyə hazırlıq mövzularında davamlı dəstək göstərmişdir. Gənclər təşkilatları, qeyri-hökumət qurumları və ali təhsil müəssisələri ilə əməkdaşlıq çərçivəsində müxtəlif sosial və təhsil layihələrinin icrasında iştirak etmiş, multidissiplinar komandalarla işləmə təcrübəsi qazanmışdır. Peşəkar fəaliyyətində etik prinsiplərə, inklüziv yanaşmaya və gənclərin gücləndirilməsinə xüsusi önəm verir. Yerli və beynəlxalq kontekstdə gənclərlə iş sahəsində davamlı inkişafın təşviqi və keyfiyyətli mentorluq mühitinin formalaşdırılması onun əsas fəaliyyət istiqamətlərindəndir.
