Təhsil dərsliklər və sinif otaqları ilə məhdudlaşmır. Təhsil təbiəti tanımaq, sual vermək, oynayaraq öyrənmək və yeni şeylər kəşf etməkdir. Meşədə gördüyümüz bir yarpaq, torpağa əkdiyimiz bir toxum, quş səslərini dinləmək və dostlarımızla birlikdə etdiyimiz hər oyun uşaqlar üçün əsl öyrənmə mənbəyinə çevrilir. Forest Education Azerbaijan fəaliyyətlərində uşaqlar təbiətlə birbaşa təmasda olur, edərək öyrənir, müşahidə aparır, məsuliyyət hissi qazanır və ətraf mühitlə sağlam münasibət qurmağı öyrənirlər.

Meşə təhsili, açıq hava fəaliyyətləri, oyun əsaslı öyrənmə və qeyri-formal yanaşmalar vasitəsilə uşaqların həm bilikləri, həm də özünə inamı, sosial bacarıqları və yaradıcı düşüncəsi inkişaf edir. Biz inanırıq ki, hər uşaq öyrənə bilər, hər uşaq bacarıqlıdır və hər uşaq dünyanı daha gözəl etmək gücünə malikdir. Təhsil uşağın marağından başlayanda, təbiətlə davam edəndə və sevgi ilə ötürüləndə daha davamlı və təsirli olur.

Bu əlamətdar gündə bütün müəllimləri, təlimçiləri, valideynləri, qeyri-formal təhsil işçilərini və təhsil sahəsində çalışan hər kəsi Dünya Təhsil Günü münasibətilə təbrik edir, uşaqlar üçün daha təhlükəsiz, inklüziv və ilhamverici öyrənmə mühitləri yaratmaq yolunda hər kəsə uğurlar arzulayırıq.

Dünya Təhsil Günü mübarək!
Forest Education Azerbaijan – Təbiətdə öyrən, həyatda böyü.